साल उन्नाइस सय एकहत्तर असारमा तिमी यो धर्तीमा आयौ
चुँदीरम्घाको हरीयाली र सुन्दरतासँगै रमाई बालापन बितायौ
घाँसीलाई भेटेपछि आफ्नो जीवनको लक्ष्य पहिल्यायौ
नेपाली भाषा र साहित्यलाई तिमीले अति ठूलो गुन लगायौ।

पितामह श्रीकृष्णबाट घरैमा सँस्कृतको शिक्षा पायौ
जीवनयापनको लागि कौशीखानाको जागीर पनि खायौ
छलकपट,दाँयाबाँया नजान्दा व्यर्थैमा केही दिन कैदमा वितायौ
उडुस ,उपीँयाको टोकाइ सही लामखुट्टे कति धपायौ।

जीवनमा पहिलोपटक जब कान्तिपुरी नगरीमा टेक्यौ
अत्यन्तै खुशी भएर मनले अलकापुरी झैँ देख्यौ
डुल्दै जाँदा फेरि जब तिमी पुग्यौ बालाजु बाइसधारा
सबै दु:ख बिर्सीगयौ हराए पीर सारा

“ प्रश्नोत्तर”, “ वधूशिक्षा” लेखी लोकलाई नैतिकता सिकायौ
“ रामायण” को श्रुतिमधुरताले संसारलाई नै लट्ठ्यायौ
रहनेछन् सूर्यचन्द्र आकाशमा जबसम्म 
तिम्रो कीर्ति अटल रहनेछ  जगमा तबसम्म ।

बन्दिपुरमा आउ घुम्न साथी
तनहुँ जिल्ला डुम्रेको त्यही माथि 
छिम्केश्वरी माई,छिम्केश्वरी माई
सम्झना हुनेछ ,सधैंभरीलाई

पूर्व हेर्दा हरियो रानीबन
देखेपछि रमाउँछ हाम्रो मन
डाँडै थानीमाई,डाँडै थानीमाई
सम्झना हुनेछ सधैंभरीलाई

वौध्दगुम्बा दर्शन गरौंला 
सिध्दगुफा त्यहीँबाटै झरौंला
खडगदेवी माई,खडगदेवी माई
सम्झना हुनेछ सधैंभरीलाई

हिमश्रृङ्खला देखिन्छ झलल
मर्स्याङदी नि बगेको सलल
विन्ध्यवासिनी माई,विन्ध्यवासिनी माई
सम्झना हुनेछ सधैंभरीलाई।

ऐतिहासिक महत्त्वको तनहुँ जिल्ला हाम्रो 
देशभरीमा लाग्छ मलाई सबैभन्दा राम्रो 
ठाउँ ठाउँबाट देखिन्छ है हिमालै झलल
सेती मादी राफ्टीङ गर्छन् पर्यटक सलल

मगर,गुरुङ ,व्राम्हण र अन्य जातजाति 
जोगाएर बसेका छन् आआफ्नो संस्कृति 
पृथ्वी राजमार्ग यस्को मुख्य मेरुदण्ड 
जस्को भरमा चलेको छ व्यापार ,उद्योगधन्दा

प्रगति र समृद्धिको हिंड्दैछ बाटोमा 
वेदव्यास जन्मेका हुन यहीँको माटोमा 
भूतखोलामा छ भन्छन् है फलामको खानी
यहीँ जिल्लामा बन्दिपुर छ “पहाडकी रानी”

उत्तरमा मर्स्याङदी छ दक्षिणमा काली
थरी थरी उब्जाउँछन् किसानले बाली
ढोरबाराही,छाब्दीबाराही,छिम्केश्वरी माई
रक्षा गर तनहुँबासी हामी सबैलाई ।

लेकबेँसी,डाँडाकाँडा,सयौं नदीनाला
खेतबारी चारैतिर झुल्छन् धानका बाला
लालीगुराँ,डाँफेचरी, हिमालको देश
दौरा सुरुवाल ,ढाकाटोपी, कति राम्रो भेष

गौतम बुध्द,तेन्जिङ शेर्पा,पासाङ ल्हामु अनि
यै धरतीमा जन्मेकी हुन् पासाङ ल्हामु पनि
अमरसिंह ,भक्तिथापा,भिमसेनको देश
दौरा सुरुवाल ढाकाटोपी कति राम्रो भेष

गैंडा, हात्ती,मयूर र बाघ अनि गोही 
सबै देश मित्र हाम्रा छैनन् शत्रु कोही 
शुक्र, धर्म ,गंगालाल र दशरथको देश
दौरा सुरुवाल ,ढाकाटोपी कति राम्रो भेष

केही वर्ष पहिले थियोे राम्रो संजोग परेको
कस्तो रहेछ हेर्न भनी दक्षिण कोरिया झरेको 
दुई दिनको यात्रापछि विमानस्थलमा आइयो
इन्चोन विमानस्थल रहेछ,सोधी थाहा पाइयो ।

यात्रुलाई जाँच गर्ने रैछन तीनले थरीथरीका 
कतै फोटो लिन्थे भने कतै भिन्दै तरीका 
रोगी मानिस कोही नआओस् भनी जाँच गर्ने
यस्तो जाँच देख्दा को पो नहोला दङ्ग पर्ने !

बसमा यात्रा गर्दा पनि पैसै तिर्नु नपर्ने 
मात्र एउटा कार्डले रैछ,ढोकामा छुनुपर्ने
बसका चालक पनि सभ्य छैन मुन्द्रा भिर्याका
यात्रुलाई अभिवादन गर्छन् कति राम्रो तरीका 

बाटो पनि कति ठूलो गुड्छन चार लाइन 
गति पनि अति तिव्र,हर्न बजेको थाहा पाइन
समुन्द्रको माथि बनेको लामो पुल देखियो 
कसरी वर्णन गरुँ खै,छोटोे कविता लेखियो।

भोलिदेखि शहर हेर्न सबै हिड्यौं एकसाथ 
कति अग्ला हुन् घरहरु ! तला एकसयआठ
आकाशमा छिनछिनमा धेरै जहाज उडछन्
जहाजको के कुरा! जमीनभित्र रेल गुडछन्।

वृध्दव्यक्तिहरु पनि देखें अति जाँगरिला
रोगी कमजोर देखिएनन् प्राय सबै रसीला
हातहातमा मोबाइल छ,सबै अति व्यस्त 
कतै धेरै भीड देखिन्छ काटनलाई रास्ता

Everland भन्ने ठाउँ रहेछ एउटा अति राम्रो 
विभिन्न खेल खेलाउने चाहना पुर्‍याउने हाम्रो 
केवलकार,डुङ्गा ,अन्य खेलहरु खेल्न पाइन्छ 
Roller skates छ तर खेल्न दरो मुटु चाहिन्छ ।

सीओल टावर राम्रो छ भनी त्यहाँ पनि गइयो
आकाशैबाट जस्तो गरि देख्न पाइने अरु के चाहियो ?
झिलीमिली Seoul देखिन्छ मोटरका ताँती
अद्भुत दृश्य देखिन्छ कि संसारै बिर्सने साथी

होटलमा खाना ख्वाउने रैछ भिन्दै तरीका
संङ्ख्या यति भनेपछि खाना थरीथरीका 
आफ्नै अगाडिको टेबुलमा पकाई खान पाइने
मिठोमीठो पाइन्छ तर खल्ती दरो चाहिने ।

आफ्नै देशका मानिस पनि देखिए भिन्दै बानीका
यस्तो व्यवहार देख्दा कताकता लाग्यो थोरै ननिका
एउटी नेपाली बहिनी मेट्रोमा तर बोल्दै बोलिनन्
आफैले नसोधेसम्म उनले नाम ठेगाना खोलिनन्

सानासाना खोलाहरु देखिए शहरका माझमा
घुम्न आउने रहेछन् मानिसहरु धेरै साँझमा
पानी पनि अति सफा छ,लाग्छ नुहाउँ अहिल्यै
हाम्रा बाग्मती,विष्णुमती यस्ता होलान खै कहिल्यै ?

हरेक ठाउँमा शौचालय छ,प्रवेश सबै निशुल्क
हाम्रो देशमा त छैन यस्तो भएपनि सशुल्क
स्वचालित प्रविधि छ पानीको छैन कुनै दुर्गन्ध 
देखि यस्तो सुव्यवस्था लाग्यो अति आनन्द ।

एकैछिन लान्छु तपाईंहरुलाई तरकारी बजारमा 
देखिन्छन् माछा थरीथरीका त्यहाँ हाम्रो नजरमा
हरीया तरकारीहरु पनि त्यहाँ थिए धेरै थरीका 
सबै प्याकेटमा पाइने कति राम्रो तरीका ।

समुन्द्रको पानी पनि छुनलाई पाइयो आज
थरीथरीका माछाको खाइयो मीठो खाजा
Seagull चराको क्या काईदाको हुनेरैछ बानी
हावामा फाल्थे खानेकुरा हावैमा टिपेर खानी

कहिले पनि पूरा हुन्न मानिसको रहर
अहिलेलाई देख्न पाइयो कोरियाको शहर
तारतम्य मिले यदि कान्छा छोराले बोलाए !
मनभित्र लागिराछ अष्ट्रेलिया घुम्नलाई पाए।

भाग्यमा लेखिएको रहेछ,दक्षिण कोरिया आइयो
नौलो ठाउँ देखियो ,नौला खानेकुरा नि खाइयो
मौका मिलेछ भने कतै फेरि फर्की आउँला यो ठाउँमा 
यस्तै कुरा मनमा लीएर फर्की आइयो फेरि आफ्नै गाउँमा ।